PROPOSAL Hika-1: Ha wai pa naabut in adlaw kamahardikaan
Subai kita niyu ha tanaman mahugut himinang sin kalalagihan magayuput sin manga manusiya' humagdir sin adlaw kamahardikaan ha pitsa 17 November 2010 yan. Unu baha' in kalalagihan?
HINANGAN BAI & TOILET (CR)
-Magsaddia sin bai pag halihan sin manga mahadjana'. Himinang 2 bai (Usug iban babae) pahabaun kaagi misan dakuman lantai patung/bula' iban dingding sairap.
-Hinangan CR (Toilet) in taud nia 4 ha babae iban 4 isab ha usug. In babae iban kausugan subay butasun bat di' maglamud lamugai makalanggal sara' labi-luba' in kaibanan nagdara anak budjang iban subul.
-Himinang da isab lugal pagpapaigu'an hambuuk ha lugal sin usug damikkian in ha babae. Paluagun in lugal pagpapaigu'an tumuput 4 pa lima tau magdura' mamaiguh. In pag paiguan subai taga dingding.
Kiapagmitingan namu' na di ha Johor, Malaysia iban manga kataimanghuran UTC supaya mami na Bowl Toilet di ha Sabah dahun pa Sug. Bang awun siminto ditun ha Sug mami na didtu sagawa' bang wai subai da mami di ha Sabah atawakan ha Sambuangan City.
HINANGAN LANGGAR ATAWA MASJID SAMANTARA
-Hadaig sin 2 bai subay hinangan langgar/surau/musalla/masjid samantara pagsambahayangan sin manga mahadjana' ha maabut in waktu pagsambahayang. Butangan mic atawakan Healer bat karungugan in bang sin muazzin.
-Hinangan drum tubig pag ailan (Wudhu') bat di'na dawragan in manga jamaah manglawag pagailan nila. Limabai-labai yaun mahunit tuud in manga jamaah sumambahayang iban magail sabab wai kiyasaddiahan maraw sin komiti UTC.
PAJAGAHUN IN MANGA PEACE KEEPERs
-In manga taimanghud ta Peace Keeper subay na sila magtagna' magjaga sin "teritory" sin raayat. Jagahan in katilingkal sin bai bat way hilu-hala' dum adlaw sampai na maubus in assertion kamahardikaan.
-Jagahan nila in manga tubig ha CR iban pagkaun sin manga mahadjana' amin wai lahasia' duun ha Sug. Sabab in kaibanan Tausug bukun wai lahasia' duun sumagawa' di' kakilahan nila, lamud na iban manga taimanghud ta Tausug-Visaya', Malayu, Lannang nag Tausug amin humagdir maun, in sila subay ayuputun ta maraw.
-Ha kahalan ini, subay matuud in General sin Peace Keeper magpaaun meeting magbaktul sin "duty" nila ha bukun naman mag jaga sin pag parade, mag butang intelijen pa dugu-dugu, atawakan magjaga sin trafik, sumagawa' in katan kalalagihan jagahan subay kajagahan sin sila.
Ikalalagihan sin Peace Keeper: Walky-Talky, Saruk Military, Kahuy-kahuy Chotta, iban "name tag" nila pangilahan in "rank" nila sarjen ka atawakan Komander.
PUUNAN SIN MEDIA, BUTASUN OFIS SIN UTP IBAN UTC
Ha sabab awun pagbiddaan sin UTC iban UTP, in UTP subay himinang ofis nila ha dugaing lugal ha bukunna nag lamud iban UTC. Sabab maita'? In manga mahadjana' bukun UTC amin nagdara da isab tindug atawakan tumpukan nila di' sayan maun pa UTC, asal in lawagun nila UTP ra. Hangkan subai maka dugaing in ofis sin UTP bat maluhai in manga group dugaing maun magregister. Sonto'an, bang saupama maun in group atawakan wakil sin Sultan Roodinhood Kiram, tumpukan Shariful Hashim dain ha Shan-Dong China, tumpukan sin Sultan Fuad Kiram, tumpukan Sultan Aguimuddin, tumpukkan sin Sultan Esmail Kiram II, atawa hisiyu-siyu nasadja, subay sila maun pa ofis sin UTP. Dihilan sila hambuuk katasluun (form) luunan nila bang sila dain haiin, unu in ngan sin group nila, pila in raayat miyamagad kaniya bang sila taga tindug atawakan raayat. Kawaun sin UTP in kataasluun nila ampa prosesun hi pasud halaum agenda in group nila dimihil hilalaungan ha adlaw tilahak sin kamahardikaan.
-Ha kahalan ini, in manga Media sin UTC subay da isab taga lugal dugaing amin pag puunan sin manga "reporter" nila. In Media ini paguhanan sin duwa tau (Neldy & Aliazer) tabangan sin Peace Keepers. Subay in General sin Peace Keepers (Utu' Madun?) mag isun maraw iban Media biaddiin in pag jaga sin Media ha bukun naman subay adlaw pag parade.
-Bang awun boledapat in centre sin Media subay halaum Tianggi amin maka acces sin internet bat in Media ta magtui maka report online. In report subay ha tuo bahasa (Sinug @ Sinulug @ Bahasa Sug, Malayu, English).
-Pitu adlaw sawaipa sin tilahak Kamahardikaan in Media sin UTC subay mag para email pa katan Media sin kahula'-hulaan baitaan sila bang sila di' mabaya' humatud wakil atawa reporter nila pa Sug manjari sila kumawa' report ha blog sin UTC ha bahasa English. Bang saupama mabaya' sila humatud reporter, hipa report subay sila ha ofis sin Media UTC bat ta sila kadihilan maklumat & taklimat.
-Himinang hambuuk wakil in Media sin UTC kimita'-kita' ha Tianggi bang kakitaan nila awun reporter dugaing dain sin kakilahan nila subay asubuhun nila bang dain haiin iban unu in company nila bat ta isab kadihilan tatabangan. Dihilan ta sila lugal ha adlaw tilahak sin kamahardikaan ha unahan. Subay ayuputun ta maraw in manga reporter ha guwa' hula' ha di' na mag bista maraw ka atawakan mangi' in niat nila.
-In Media iban Legal Counsel subay mag paaun katas info pataurun sulatun ha bahasa English kahalan sin Assertion of Independence hi dihil pa manga delegation atawakan pa manga reporter dain ha guwa' hula' lamud na in reporter sin Filipinas. Bang awun boledapat in Brigade (AFP, Arm-Force of the Philippines) kadihilan da isab katas info bat sab hikaluhai nila humati.
ISUNUN MARAW IN MELIKAN (US) IBAN AFP
In Melikan misan unuhun mu yaun na nag jajaga katu' hangkan subay sila isunun pahatihun sin adlaw pag assertion ta, misan isab bihadtu in AFP subay da sila dahun isun dihilan sila info biyaddiin in pagpapanaw ta sin adlaw Assertion of Independence. Sabab asal kiyaingatan nila in manga masses miyamagad na ha program ta dain pa sin lugay yadtu iban asal da isab way ra mahinang nila. Malaggu' sayan pagsukulan nila in UTC/UTP miyaun na kanila dimihil info. Ini na in bukti' in kita duma magsulut-sulut kanila iban kansiyu-siyu nasadja, sabab in sila hula' in kita hula' da isab sali'-sali'. In AFP imakun atawakan namunnali na sin hinang ta dain kaangay pa yadtu hangkan in sila di' managgaw iban di' da isab mamunu' ha manga UTC misan wai saidula iban plate number sin motorcycle ta, amu sadja masipug iban maluman na sadja sila imiyan "Gumuwa' da saini kami dain ha Sulu pagubus masampulna' niyu in elemen sin kamahardikaan niyu".
MAGBAKTUL PAGKA'UN SIN MAHADJANA'
Hambuuk kasaan dakulah sin UTC/UTP bang in sila nag harap tuud sin mataud tatabangan dain ha guwa' hula' mag patindug sin Sultanate of Sulu. Huwat-huwat bihayan wai guna iban nangandul tuud pa "Kusug sin Manusiya' ". Hambuuk "weakness" sin UTP iban kasipugan kaniya di' makabaktul sin kalalagihan misan in sila tuput kusug sin Peace Keepers. Wai na "reason" atawa da'awa hangkan di' makabaktul sin program duun ha Sug sabab sin wai "syn" ($). Sabab in tau dugaing ha guwa' nakabaktul sin program hawai da isab tatabangan syn sagawa' nakapalaggu' sila sin MAKSUD. Hangkan ayaw kita niyu mangandul ha "syn", hambuuk-buuk Allah Rabbul Alamin kita niyu mangandul. Bang in Aqeedah na bingkuk asal way nasadja katudjuhan.
-Hangkan ayaw kita niyu mag problema sin pagkaun ha sabab wai syn hikagastu. Awun Solution, bukun subay mag paligad sapi' atawakan magsumbai' kambing, bukun yan in kalagihan sin Assertion Independence ta. Misan wai sapi' atawakan kambing "makabuslad" da kita niyu iban hituy da in Independence. Biyaddiin?
-Baktulun in Peace Keepers mag paaun hambuuk unit magbaktul sin pagkaun. Masuuk hanggatus in babae Peace Keepers subay yan usalun. Muna-muna, subay baitaan in manga UTC ha manga kagimbahan bang sila lumud pa Tianggi subay duma bungang kahuy, sayul, saing bulak amanun, panggi', nangka' bulak @ hinug, kamatis, kapaya, gandum, bawang pa kaginisan aadjalun, luunun duun ha bodega (Store) Billukan Drive. Subay in Peace Keepers himinang Store pagtipunan kakaun bat kita di' magsasaban manglawag "bubuslaran" bang wai na makaun.
-In manga Tausug dain ha pihak Samal Laud ha kapu'an sin Siasi subay isunun maraw sin UTC/UTP bat sila madaran maghatud ista', panagatun, tihi'-tihi', kugita, tayum, luku' dautdutan (makaun baha'?), bat, tamban, mangku', ista' tiyahai atawa unu nasadja kakaun laud amin hikaganap lamay iban lamuk sin kakaun ha adlaw sin Assertion Independence ta.
-Bukun subay awun 50 karut bugas ampa kita niyu makapaaun program magpalindug sin MAKSUD. Maita' subay taga bugas ampa kita niyu makakaun? Maingkan biaksa ra isab kita niyu kuma'un siyanglag iban piyutu. Mari pabaran ku, misan 4 pa 7 adlaw aku mag kaun sadja saing amanun iban liamayan ista' tahay mabaya' iban mabuhi' da aku (Sabalan sadja sin kaibanan sabab in makusug kumaun saing amanun yan madaran magutut-utut). Bukun karna' miyaun kita humagdir sumaksi' sin adlaw Kamahardikaan ta bat magpakansub kumaun ka'unun iban himigup sin sabaw tiyula' itum. In kaunun ta ha karna MAKSUD, magkurban kita niyu ha karna Maksud, hangkan maita' in adlaw Assertion Independence ta ha 17 November 2010 kimugdan tuud ha Hari Raya Aidil Adha (Adlaw Qurban & Hadji').
PAGPAAUN SIN TABU' IBAN PAMARINTA
In ini "secret" naa, karagun bang asagun mari palaum blog public maubus wai na hikatau'. Didtuna ha Sug ampa ta papatahan in sara' manara' sin pag tabu' iban sin pag parinta. Wassalam.
ASREESULU
HINANGAN BAI & TOILET (CR)
-Magsaddia sin bai pag halihan sin manga mahadjana'. Himinang 2 bai (Usug iban babae) pahabaun kaagi misan dakuman lantai patung/bula' iban dingding sairap.
-Hinangan CR (Toilet) in taud nia 4 ha babae iban 4 isab ha usug. In babae iban kausugan subay butasun bat di' maglamud lamugai makalanggal sara' labi-luba' in kaibanan nagdara anak budjang iban subul.
-Himinang da isab lugal pagpapaigu'an hambuuk ha lugal sin usug damikkian in ha babae. Paluagun in lugal pagpapaigu'an tumuput 4 pa lima tau magdura' mamaiguh. In pag paiguan subai taga dingding.
Kiapagmitingan namu' na di ha Johor, Malaysia iban manga kataimanghuran UTC supaya mami na Bowl Toilet di ha Sabah dahun pa Sug. Bang awun siminto ditun ha Sug mami na didtu sagawa' bang wai subai da mami di ha Sabah atawakan ha Sambuangan City.
HINANGAN LANGGAR ATAWA MASJID SAMANTARA
-Hadaig sin 2 bai subay hinangan langgar/surau/musalla/masjid samantara pagsambahayangan sin manga mahadjana' ha maabut in waktu pagsambahayang. Butangan mic atawakan Healer bat karungugan in bang sin muazzin.
-Hinangan drum tubig pag ailan (Wudhu') bat di'na dawragan in manga jamaah manglawag pagailan nila. Limabai-labai yaun mahunit tuud in manga jamaah sumambahayang iban magail sabab wai kiyasaddiahan maraw sin komiti UTC.
PAJAGAHUN IN MANGA PEACE KEEPERs
-In manga taimanghud ta Peace Keeper subay na sila magtagna' magjaga sin "teritory" sin raayat. Jagahan in katilingkal sin bai bat way hilu-hala' dum adlaw sampai na maubus in assertion kamahardikaan.
-Jagahan nila in manga tubig ha CR iban pagkaun sin manga mahadjana' amin wai lahasia' duun ha Sug. Sabab in kaibanan Tausug bukun wai lahasia' duun sumagawa' di' kakilahan nila, lamud na iban manga taimanghud ta Tausug-Visaya', Malayu, Lannang nag Tausug amin humagdir maun, in sila subay ayuputun ta maraw.
-Ha kahalan ini, subay matuud in General sin Peace Keeper magpaaun meeting magbaktul sin "duty" nila ha bukun naman mag jaga sin pag parade, mag butang intelijen pa dugu-dugu, atawakan magjaga sin trafik, sumagawa' in katan kalalagihan jagahan subay kajagahan sin sila.
Ikalalagihan sin Peace Keeper: Walky-Talky, Saruk Military, Kahuy-kahuy Chotta, iban "name tag" nila pangilahan in "rank" nila sarjen ka atawakan Komander.
PUUNAN SIN MEDIA, BUTASUN OFIS SIN UTP IBAN UTC
Ha sabab awun pagbiddaan sin UTC iban UTP, in UTP subay himinang ofis nila ha dugaing lugal ha bukunna nag lamud iban UTC. Sabab maita'? In manga mahadjana' bukun UTC amin nagdara da isab tindug atawakan tumpukan nila di' sayan maun pa UTC, asal in lawagun nila UTP ra. Hangkan subai maka dugaing in ofis sin UTP bat maluhai in manga group dugaing maun magregister. Sonto'an, bang saupama maun in group atawakan wakil sin Sultan Roodinhood Kiram, tumpukan Shariful Hashim dain ha Shan-Dong China, tumpukan sin Sultan Fuad Kiram, tumpukan Sultan Aguimuddin, tumpukkan sin Sultan Esmail Kiram II, atawa hisiyu-siyu nasadja, subay sila maun pa ofis sin UTP. Dihilan sila hambuuk katasluun (form) luunan nila bang sila dain haiin, unu in ngan sin group nila, pila in raayat miyamagad kaniya bang sila taga tindug atawakan raayat. Kawaun sin UTP in kataasluun nila ampa prosesun hi pasud halaum agenda in group nila dimihil hilalaungan ha adlaw tilahak sin kamahardikaan.
-Ha kahalan ini, in manga Media sin UTC subay da isab taga lugal dugaing amin pag puunan sin manga "reporter" nila. In Media ini paguhanan sin duwa tau (Neldy & Aliazer) tabangan sin Peace Keepers. Subay in General sin Peace Keepers (Utu' Madun?) mag isun maraw iban Media biaddiin in pag jaga sin Media ha bukun naman subay adlaw pag parade.
-Bang awun boledapat in centre sin Media subay halaum Tianggi amin maka acces sin internet bat in Media ta magtui maka report online. In report subay ha tuo bahasa (Sinug @ Sinulug @ Bahasa Sug, Malayu, English).
-Pitu adlaw sawaipa sin tilahak Kamahardikaan in Media sin UTC subay mag para email pa katan Media sin kahula'-hulaan baitaan sila bang sila di' mabaya' humatud wakil atawa reporter nila pa Sug manjari sila kumawa' report ha blog sin UTC ha bahasa English. Bang saupama mabaya' sila humatud reporter, hipa report subay sila ha ofis sin Media UTC bat ta sila kadihilan maklumat & taklimat.
-Himinang hambuuk wakil in Media sin UTC kimita'-kita' ha Tianggi bang kakitaan nila awun reporter dugaing dain sin kakilahan nila subay asubuhun nila bang dain haiin iban unu in company nila bat ta isab kadihilan tatabangan. Dihilan ta sila lugal ha adlaw tilahak sin kamahardikaan ha unahan. Subay ayuputun ta maraw in manga reporter ha guwa' hula' ha di' na mag bista maraw ka atawakan mangi' in niat nila.
-In Media iban Legal Counsel subay mag paaun katas info pataurun sulatun ha bahasa English kahalan sin Assertion of Independence hi dihil pa manga delegation atawakan pa manga reporter dain ha guwa' hula' lamud na in reporter sin Filipinas. Bang awun boledapat in Brigade (AFP, Arm-Force of the Philippines) kadihilan da isab katas info bat sab hikaluhai nila humati.
ISUNUN MARAW IN MELIKAN (US) IBAN AFP
In Melikan misan unuhun mu yaun na nag jajaga katu' hangkan subay sila isunun pahatihun sin adlaw pag assertion ta, misan isab bihadtu in AFP subay da sila dahun isun dihilan sila info biyaddiin in pagpapanaw ta sin adlaw Assertion of Independence. Sabab asal kiyaingatan nila in manga masses miyamagad na ha program ta dain pa sin lugay yadtu iban asal da isab way ra mahinang nila. Malaggu' sayan pagsukulan nila in UTC/UTP miyaun na kanila dimihil info. Ini na in bukti' in kita duma magsulut-sulut kanila iban kansiyu-siyu nasadja, sabab in sila hula' in kita hula' da isab sali'-sali'. In AFP imakun atawakan namunnali na sin hinang ta dain kaangay pa yadtu hangkan in sila di' managgaw iban di' da isab mamunu' ha manga UTC misan wai saidula iban plate number sin motorcycle ta, amu sadja masipug iban maluman na sadja sila imiyan "Gumuwa' da saini kami dain ha Sulu pagubus masampulna' niyu in elemen sin kamahardikaan niyu".
MAGBAKTUL PAGKA'UN SIN MAHADJANA'
Hambuuk kasaan dakulah sin UTC/UTP bang in sila nag harap tuud sin mataud tatabangan dain ha guwa' hula' mag patindug sin Sultanate of Sulu. Huwat-huwat bihayan wai guna iban nangandul tuud pa "Kusug sin Manusiya' ". Hambuuk "weakness" sin UTP iban kasipugan kaniya di' makabaktul sin kalalagihan misan in sila tuput kusug sin Peace Keepers. Wai na "reason" atawa da'awa hangkan di' makabaktul sin program duun ha Sug sabab sin wai "syn" ($). Sabab in tau dugaing ha guwa' nakabaktul sin program hawai da isab tatabangan syn sagawa' nakapalaggu' sila sin MAKSUD. Hangkan ayaw kita niyu mangandul ha "syn", hambuuk-buuk Allah Rabbul Alamin kita niyu mangandul. Bang in Aqeedah na bingkuk asal way nasadja katudjuhan.
-Hangkan ayaw kita niyu mag problema sin pagkaun ha sabab wai syn hikagastu. Awun Solution, bukun subay mag paligad sapi' atawakan magsumbai' kambing, bukun yan in kalagihan sin Assertion Independence ta. Misan wai sapi' atawakan kambing "makabuslad" da kita niyu iban hituy da in Independence. Biyaddiin?
-Baktulun in Peace Keepers mag paaun hambuuk unit magbaktul sin pagkaun. Masuuk hanggatus in babae Peace Keepers subay yan usalun. Muna-muna, subay baitaan in manga UTC ha manga kagimbahan bang sila lumud pa Tianggi subay duma bungang kahuy, sayul, saing bulak amanun, panggi', nangka' bulak @ hinug, kamatis, kapaya, gandum, bawang pa kaginisan aadjalun, luunun duun ha bodega (Store) Billukan Drive. Subay in Peace Keepers himinang Store pagtipunan kakaun bat kita di' magsasaban manglawag "bubuslaran" bang wai na makaun.
-In manga Tausug dain ha pihak Samal Laud ha kapu'an sin Siasi subay isunun maraw sin UTC/UTP bat sila madaran maghatud ista', panagatun, tihi'-tihi', kugita, tayum, luku' dautdutan (makaun baha'?), bat, tamban, mangku', ista' tiyahai atawa unu nasadja kakaun laud amin hikaganap lamay iban lamuk sin kakaun ha adlaw sin Assertion Independence ta.
-Bukun subay awun 50 karut bugas ampa kita niyu makapaaun program magpalindug sin MAKSUD. Maita' subay taga bugas ampa kita niyu makakaun? Maingkan biaksa ra isab kita niyu kuma'un siyanglag iban piyutu. Mari pabaran ku, misan 4 pa 7 adlaw aku mag kaun sadja saing amanun iban liamayan ista' tahay mabaya' iban mabuhi' da aku (Sabalan sadja sin kaibanan sabab in makusug kumaun saing amanun yan madaran magutut-utut). Bukun karna' miyaun kita humagdir sumaksi' sin adlaw Kamahardikaan ta bat magpakansub kumaun ka'unun iban himigup sin sabaw tiyula' itum. In kaunun ta ha karna MAKSUD, magkurban kita niyu ha karna Maksud, hangkan maita' in adlaw Assertion Independence ta ha 17 November 2010 kimugdan tuud ha Hari Raya Aidil Adha (Adlaw Qurban & Hadji').
PAGPAAUN SIN TABU' IBAN PAMARINTA
In ini "secret" naa, karagun bang asagun mari palaum blog public maubus wai na hikatau'. Didtuna ha Sug ampa ta papatahan in sara' manara' sin pag tabu' iban sin pag parinta. Wassalam.
ASREESULU
|
Posts
